Xubilación
Restaurante Palacio de la Magdalena de Soto del Barco, el
día 13 de xunu de 2009
Palabres d’Esther
¡Ay que fugazmente pasan los años bellos
Y cómo pierde la color la rosa que encienden
ellos!
(Escribió
Blas de Otero estos hermoso versos)
Tiempu
que fuxe
Nesta
vida too ya breve, puntual urxente.
Y bien ye verdá que nada pue detenese, el
tiempu pasa rápido. Cuando somos nenos deseamos que pase pronto, cuando yá llegamos
a cierta edá caemos na cuenta de que la
vida ye un sueñu. Pero lo guapo ye que como diz el poeta “yo sueño con siguir soñando”. Nestos años nos que yá, fruta madura,
hai que tener cuidáu con nun mancala. Cualquier revés, emocional o físicu, pue ser suficiente pa una gran mancadura.
Yo no creo en
la edad. Dice el poeta.
Todos los viejos
llevan
en los ojos
un niño,
y los niños
a veces
nos observan
como ancianos profundos.
Así dice esti guapu
poema de Pablo Neruda.
Pero yo sí creo
en la edad. Agradezco todos los piropos que recibí estos días, cuando al
conocerse la noticia de mi jubilación muchos me
miraban con cara de asombro. ¡Amigos, que me veis con buenos ojos! Pero
ahí están estos 60 tacos, llevados, como no, con humor y vitalidad, lo
confieso.
Nun se trata
d’añadir años a la vida, sinón d’añadir vida a los años.
Eso ye lo
qu’espero d’esta nueva etapa qu’encomienzo. Xugar col tiempu al escondite y
engañalu.
Ahora,
tiempo, te enrollo,
te deposito en mi
caja silvestre
y me voy a pescar
con tu hilo largo
los peces de la aurora!
Faciendo
estos díes un repasu sobre la mio vida, dígovos que tengo muncha facilidá pa
recordar momentos bonos y malos, más los bonos, porque sabiamente yá sabéis que
los malos tendemos a escaecelos o a arrequexalos. Too me paez cercanu y a la vez llonxanu.
Too me paez que foi ayeri y al empar que
pasó antaño. Y nesa velea, enredando col
tiempu, bono ye vivir de recuerdos, pero tamién ye la señal inequívoca de que’l
tiempu nun perdona y que pasa rápido, pero que dexa güelgues imborrables
nes persones.
Lléovos
unes frases entesacaes d’un rellatu mío al que-y tengo un aquel especial
tituláu “Velea”.“ Nun sé si pasó o nun pasó’l tiempu. Nun sé si’l tiempu ye un
inventu. Nun sé si ye güei o si ye ayeri, si ye esti añu o ye antaño; nun sé si soi la nena, o la moza, o la ma, o la güela...¡qué velea! Como si’l tiempu nun avieyara.
Na
vida recorremos un camín que yo comparo nun de los mios versos con una llinia.
Un llinia formada por una sucesión de puntos, como nos deprendían en xeometría,
pero la llinia de la vida ye singular. Non tolos puntos que la forman son
iguales. Unos son brillantes, mui, brillantes y otros son de colores más
apagaos y hasta tien abondos negros que toos quixéramos borrar.
Por
suerte , siempre tiende a recordase lo más brillante lo que nos fixo más
felices. Yo hasta la fecha nun me puedo
quexar. Nesti día nel que celebro’l paso d’un etapa a otra, dexando la mio vida
activa como maestra, maestra 39 años, que yá son munchos. Puedo dicir al alto
la lleva que nesi camín recorríu ta señaláu con munchos puntos brillantes,
tanto nel terrén profesional como nel afeutivu.
Un
camín soyáu de flores, alfombra importante nel mio ser, pisando de xemes en cuando
dalgún toxu que m’espinóu de verdá,
dalgún qu’otru artu qu'espina’l corazón, pero repito nun me puedo
quexar. Xubílome con satisfaición plena y deséome a mi mesma qu’esta nueva
etapa qu’encomienzo seya polo menos como les anteriores.
Primero
la mio infancia naquel pueblín de La Degol.lada, onde
a la sombra d’un lloréu soñaba, cantaba, xugaba , xugaba a tolos xuegos que tanto nos divertían a los
nenos, y tamién xugaba a ser maestra. Yo yera la maestra de Tino, el mio
hermanu, de Panchito, d’Isolina, de Balbina ya de Paco, los nenos del pueblu.
Nun sé si esto yera un precedente de la mio vocación de maestra, confieso que
daquella yá yera un poco mandona.
Y
foi la mio maestra, Carmen Pérez Jardón, Convenció a los mios pas de
qu’estudiara, y ella deprendióme na escuela hasta 3º de Bachiller. Pa los mios
pas un sacrificiu, que-ys agradecí siempre. Pa mi foi'l comienzu d’una vida
meyor.
15
años en La Degol.lada, 15 años d’una infancia feliz, ya infeliz, por veces,
como tolos neños d’aquella dómina. Yo
siempre digo que nun conocí esi rollu de l’adolescencia a la que güei achacamos cualquier revés de los nuesos
xóvenes. Nun podía tener adolescencia. Taba claro. Con dalguna travesura
qu’otra, la madurez en ciertos contestos
llega por necesidá.
Bachiller
nel Institutu de L.luarca y Maxisteriu na Escuela Normal d’Uviéu. Too rápido.
La
mio primer esperiencia, una sustitución en Busecu, con alumnos dalgunos más
grandes que yo. Estudiaba segundu de Bachiller. Quince díes bien pagaos
sustituyendo a aquella maestra que se foi a Mieres a celebrar la Comunión de la fía. Asina
yeren les coses daquella.
Acabada
la carrera, el mio primer destín las Escuelas Graduadas de L.luarca, casi una
neña como ellas, tocáronme las nenas mayores na Escuela del Muelle. Daquella
tovía taben separaos nenos ya nenas. Cinco meses esperando a que me dieran el
mio destín en propiedá, una plaza que me llegaba como del cielu. Pero hai que
dicir que llegaba gracies al mio esfuerzu. Fui daquellos privilexaos, un
pequeñu porcentaxe que salíemos sin oposición por bon espediente académicu. Nun penséis que nos lo regalaben, porque había
que fincar los coldos, anque llueu tuviera la so recompensa.
Barcelona,
la Roca del
Vallés, el mio primer destín como maestra en propiedá. La Torreta, San Xuan de
Torruella, Vilassar de Dalt. Nueve años en Barcelona, a onde me llevó l’amor,
porque la docencia podía exercela tamién n’Asturies, onde tenía la mio plaza.
En
Barcelona nacieron los mios fíos Esther y Ernesto. Por eso pa mi Barcelona tien
tamién un espaciu nel mio corazón. Recuerdo con cariñu a los alumnos que tuvi por
allí, güei yá toos entraos n’ años. Tengo bonos recuerdos d’aquellos primeros
años de docencia enseñando a lleer a los más pequeños, 40 parvulinos nun
comedor escolar. Les coses güei cambiaron muncho, tamién na enseñanza, Muncho y pa bien.
Y
llegué de vuelta a Asturies en 1981, con un marcáu acentu catalán, pero que
darréu se me quitó inmersa nesta tierra onde tengo les mios raíces.
Yera
época n’Asturies, na que refervía l’enfotu por recuperar l’asturianu. Yo xubime al carru en cuanto pudi pa entamar un
camín tan espinosu pero con aquella ilusión de la xente mozu, y dende aquella
la mio carrera profesional discurrió y
conformóse al rodiu de la enseñanza de la llingua asturiana, en munches
estayes ya instituciones: colexu “El Vallín”onde pienso que quedaron les mios güelles,
Academia de la Llingua, varios centros de
profesores d’Asturias, Conseyu de la Mocedá, Conseyería de Cultura…Amás de tou
tipu de xeres que me venceyaron dafechu a esti llabor tán prestoso anque pisando
un camín con munchos escayos, pero qu’a
a la vez me dio tantes satisfaiciones. Quiero tener un recuerdu especial pa los
mios alumnos de Llingua Asturiana, que fueron munchos, por siguir con tantu
enfotu les mios clases pol interés en toles xeres que fiximos xuntos, y de les
que tanto disfrutamos, con una cierta llibertá Ensin ellos fieles
collaboradores xeniales nesta clase, qu’encomenzáramos casi ensin llibros, pero
con muncha dosis d’ilusión, y onde reinó sobre too la innovación educativa.
Simulación,
xeres de creación lliteraria, festivales, esposiciones, recitales, teatru, llibros,concursos,
periódicu escolar. Nun puedo deteneme en
tantes xeres guapes como trabayamos xuntos. Y nun sabéis la satisfaición que
siento cuando inda güei, dalgunos dellos yá pas de familia, recuerdan con
cariñu aquelles clases cuando m’alcuentren o cuando m’escriben.
Frutu
d’esti mio enfotu pola recuperación de la llingua, non solo na faceta de
profesora, sinón tamién n’otres estayes como la lliteratura nes sos variaes
manifestaciones, didáctica, llibros de testu, investigación histórica ya
etnográfica, bayura de collaboraciones
en periódicos y revistes que vengo faciendo
habitualmente dende hai unos cuantos años. Una carrera dedicada a la
llingua, anque estos últimos años me dedicara a la lengua castellana, pa la que
yo tenía’l mio puestu nel institutu Isla de la Deva, del que tamién guardo un prestosu recuerdu.
Bon recuerdu de compañeros y d’alumnos. Bon recuerdu tamién de participación en
distintes xeres.
Pol
medio volví a la Universidá,
esta vez entovía si se quier con más enfoutu que de moza y llicenciéme en
Pedagoxía, cursé’l doctoráu y tengo per
ahí a medies la Tesis Doctoral,
que pienso retomar los próximos meses,
nun vaya ser qu’esto de xubilame me faiga folgazana.
Tamién
pienso dedicame a otres estayes, a
escribir con un poco de sosiegu si ye que nun me falta la inspiración, collaborar
cola Academia de la Llingua
a la que pertenezo dende l’añu 2002, como miembru correspondiente y a les mios nietines y en fin, lo primero ye
tener salú que trabayu darréu s’alcuentra. Nun me voi romper la cabeza.
Agradezo
daveres la presencia de les autoridaes municipales, tanto de L.luarca como de
_Castrillón, conceyos ente los que yo tengo dividío'l mio corazón, el corazón
partío como diz la canción.
Agradezo a Juanjo, el mio direutor toos estos años,
pola so orientación y ayuda, por saber tar siempre nel so sitiu en cualquier
situación y porque me facilitó siempre toles coses qu’emprendí y que-y pidí
tanto personales como profesionales
Gracies
a toos amigos y amigues, compañeros, vecinos de La Montaña, la parroquia onde
nací, que vos agradezo de corazón que m’acompañéis nesti día tan especial.
Préstame
enforma compartir estos momentos colos familiares equí presentes. Con mi madre,
con mi suegra, con Ernesto con quien la carrera de la vida foi más fácil, colos
mios fíos Ernesto y Esther y cola mio nietina Deva. Espero que podáis
disfrutar conmigo d’esta nueva etapa de la vida.
Y
termino, repitiendo estos guapos versos
de Pablo Neruda:
Ahora,
tiempo, te enrollo,
te deposito en mi
caja silvestre
y me voy a pescar
con tu hilo largo
los peces de la aurora!
Y
a Pedro quiero dedica-y estos versos, que resumen el mio deséu de qu’esta etapa seya pa ti mui
feliz
Nun
esfueyes la flor,
que se
queda ensin vida.
Vivi
l’allegre primavera
Mima
las flores.
Nun
deixes que l’iviernu esnude l’arbol
verde.
Riega con
amor la felicidá.
Eso ye
lo que-y pido a la vida pa los dos.
Munches
gracies
Mª
Esther García López
El pasáu día 1 d’abril recibí, xunto a la científica María Berdasco, la distinción “Amiga de la Biblioteca de L.luarca”, gallardón que tien instituyío l’Ayuntamientu de Valdés a traviés de la Conceyalía de Cultura, presidida n’actualidá por Gumersindo Cuervo. Esti reconocimientu concédese dende hai dos años, na estaya de les lletres y de les ciencies. L’añu pasáu recibiéronlu la escritora Ángeles Caso y el científicu Carlos López Otín.
Pallabres que tán güei d’actualidá, cuando tamos sufriendo una fonda crisis económica y hai probeza na nuesa sociedá. Somos conscientes de qu’esta situación ye lo primeiro que tenemos que solucionar. Pero la crisis azota enforma a la cultura. Y nun podemos escaecer qu’hai muites persones viviendo alredor de la cultura. La cultura ye sobre too un bien social. pero tamién ye un bien económicu qu’aporta un 7% del PIB. Una sociedá que nun ta alimentada pola cultura ye una sociedá embrutecida, sin espíritu críticu, ye una sociedá muerta. L’accesu a la cultura pasa pola llectura, pol estudiu y el trabayu
