Mª Esther García López

A la gueta l'amor

2010-11-10T15:47:00.000-08:00

La alegría de una abuela en forma de libro

2010-05-31T15:43:00.000-07:00

El cuento que la escritora Esther García regaló a los Príncipes, de reciente edición, está inspirado en una de sus nietas

Esther García suma ya 32 libros en su haber, pero una primavera de hace ahora tres años escribió un cuento inspirándose en su mejor regalo: su nieta Deva Formariz García. Se trata de «Deva y el pollito», una obra que tiene por personaje al pitín Manolito y, como trasfondo, valores como la amistad, la ayuda a los demás o la importancia de los consejos paternales. «El pitín nace el mismo día que Deva y se convierte en su mascota, su protector», explica García, que el pasado jueves regaló dos ejemplares de esta obra, en castellano y asturiano, a los Príncipes de Asturias para que se los lean a sus hijas, las Infantas Leonor y Sofía.

Esther García pensó en la posibilidad de escribir un libro para su primera nieta el mismo día que acudía a su parto. La pequeña llegó al mundo en Majadahonda (Madrid). «Cuando la vi la comparé con un pitín, un animal muy tierno. Además me vinieron a la cabeza mis recuerdos en la aldea», destaca la escritora, que nació en La Degollada (Valdés) y siempre disfrutó de la compañía de los animales de la casería. «Especialmente de los pollitos protegidos por sus madres gallinas», precisa, y subraya: «Con el libro quise expresar la alegría de su llegada y el temor porque un ser tan diminuto se enfrente a la vida».

Esther García escribió «Deva y el pollito» en dos meses y se lo entregó a su nieta el día de su bautizo. Desde entonces se lo ha leído un sinfín de veces y la pequeña Deva Formariz ya se ha aprendido el argumento de este cuento que tiene previsto enseñárselo a sus compañeros de guardería. «Está hecho con el corazón», subraya esta escritora bilingüe -castellano y asturiano- que próximamente publicará otro libro también inspirado en su familia, concretamente en su segunda nieta, Nora Formariz, que ahora tiene diez meses.

La autora, colaboradora de LA NUEVA ESPAÑA que trabajó durante años como profesora, es consciente de que para escribir un cuento infantil «hay que descender al mundo de los niños». Pero todo esfuerzo tiene su recompensa. «Los niños son lectores muy agradecidos», dice García, que en el caso de «Deva y el pollito» destaca el «maravilloso trabajo» realizado por la ilustradora asturiana Tina García. «Mi nieta ha personificado a los pollitos que salen en el cuento, Tina ha sabido captar muy bien la historia», manifiesta la escritora.

2010-05-31T15:33:00.000-07:00

Tiempu d'iviernu

2009-01-26T06:27:00.000-08:00

Tiempu d’iviernu.
Envuelta na sábana de la frialdá,
chueve no miou corazón
gotas de cristal.
Ónde me l.lieva la brisa fría de la nueite.
Ónde me l.lieva’l marmullu del ríu,
los vigulines del vientu...
Ónde voi, camín alantre
pente’l xelu.
Siento miedu
de los xiblos de la escuridá.
Tiempu d’iviernu.

Esther García presenta su obra «Musical-Landia», dirigida a los niños

2009-01-14T13:13:00.000-08:00

Piedras Blancas, Ignacio PULIDO Envuelta por la ilusión del día de Reyes, la profesora y académica de la llingua asturiana María Esther García presentó ayer su libro «Música-Landia» en Piedras Blancas. Acompañada por decenas de niños y niñas, la escritora desentrañó los aspectos más destacados de esta publicación destinada a los más pequeños y en la que la música y la poesía son las protagonistas indiscutibles. «"Musical-Landia" es un cuento para niños y niñas. Las notas musicales y los instrumentos tradicionales como la pandereta, el acordeón o la zanfonía, son los protagonistas de este libro», comenta Esther García. La obra, editada en castellano y asturiano por Pintar-Pintar, supone una iniciación en el mundo de la música y de los versos para el público infantil. En su publicación han participado el músico castrillonense Ernesto Paredano y el ilustrador avilesino Ánxelu González. «Me gusta dirigirme a los niños porque siempre estuve rodeada por ellos. Un libro siempre es un buen regalo; como se suele decir, es un tesoro. En esta ocasión he contado con la inestimable colaboración de Ernesto Paredano y de Ánxelu González», señala García, «Paredano, que vive en México, ha compuesto una serie de partituras muy sencillas que pueden ser interpretadas por los niños con la flauta o con el xilófono, por ejemplo. Por su parte, Ánxelu ha realizado una serie de ilustraciones de marcada inspiración infantil y muy bonitos». El joven ilustrador, que cursó sus estudios en la Escuela de Arte de Oviedo y en la Escuela Superior de Arte del Principado de Asturias, arropó a la autora durante toda la velada. «Me encanta hacer ilustraciones para niños. Yo dibujo desde que era muy pequeño y me divierte mucho hacer este tipo de trabajos», afirma González. Como broche, la presentación culminó con una firma de ejemplares en la que participaron García y González y en la que se mezclaron con los lectores.

Los payones

2009-01-14T12:58:00.000-08:00

La nueche de San Silvestre, antaño, yera una nueche pa sortiar amores.
L’últimu día del añu siempre tuvo dalgo de maxa. Nestes últimes décades, cuérrese “la San Silvestre”, gran acontecimientu deportivu, pero, si facemos memoria, antaño bien podía ser un día pa encomenzar la carrera del amor… Antaño, los mozos y les moces esperábemos con ilusión esta fecha. Yera la nueche na que s’echaben los payones (o sortéu de devotos) col fin d’empareyase con quien te tocara en suerte. La última nueche del añu, la mocedá, aconceyábase na casa que cuadrara. Escribíemos en papelinos los nomes de los solteros y solteres del llugar (tamién los viudos y viudes) pa participar nun sortéu que podíemos calificar de “sortéu de novios”.Si’l númberu de mozos y moces nun coincidía, dalgún d’ellos quedaba ensin pareya. Sicasí, siempre se procuraba poner ún demás pa que quedara de solterón. Anque aquella práutica tenía un carácter puramente lúdicu, pa rise de les pareyes que salíen, dalgunos bien que-yos apetecía salir empareyáu col mozu o moza que-yos gustaba. Dalgún noviazgu entamaba con esti sortéu que sirvía como niciu d’un nuevu amor. Hai coples que son testimoniu d’esta esperanza: Maruxina vei contenta,/rebincando pol camín./Vei a echar los payones/Ya vei encontrar mocín.Yera un momentu de rises y de pasalo bien, de rise d’aquellos que-yos tocaba en suerte con daquién con muncha diferencia d’edá, o con daquién que nun fuere mui agraciáu.Esti guapu entretenimientu permanez en munchos pueblos casique hasta la década de los 70. Piérdese, sobre too, cuando a les families s’incorpora un nuevu miembru, el televisor, que distrái l’atención d’estos vezos tradicionales ya impón otres costumes. Y asina van morriendo, poco a poco, tamién los filazones o filandones. Por unos años pervivieron estes xuntes nocherniegues, pero fueron cambiando de xeitu. Estos caleyeros más bien se xuntaben pa ver la tele en casa’l vecín, polo que’l filazón trescurría cuasique ¡ensin palabres! La xente, en vez de saber les noticies del pueblu, conoz dende entós toles noticies y socesos del mundu. Y con esti accesu a les ventanes del mundu tamién van mundializándose les costumes. Agora a naide se-y ocurre echar a suerte pa ver qué pareya-y pue traer l’añu nuevu. Nun hai barreres de nengún tipu. Hai munchos llugares de diversión y d’alcuentru ente la mocedá y nengún tipu de prexuiciu pa tomar la iniciativa del amor. “Preséntense “ (como dicen ellos) y entós ye cuando, si ye necesario, s’insiste y se prueba suerte. Esto pue ser el día San Silvestre, pero tamién pue ser cualquier día del añu, o cualquier nueche de les tantes que los mozos y moces van de marcha y de folixa.
Categoría: General Enero 2009

2008-12-12T14:14:00.000-08:00

Filazón
«Stop rollos con bombo»
n La nueva campaña d'anticonceutivos a ritmu de hip hop

mVotAux ) {
document.getElementById(imgName).src=eImgs[st];
} else if (i

VOTE ESTA NOTICIA
addLoadEvent(mostrarVotos);

M.ª ESTHER GARCÍA LÓPEZ «Stop rollos con bombo». «Yo lo pongo, yo controlo». «Yo gozo mogollón». «Yo sólo con condón, sólo con koko»? Con estas nuevas ya suxerentes l.liendes pue ser que la campaña caltrie. Eso dirálo'l tiempu. Entovía tenemos na cabeza la primera campaña condonera, «póntelo, pónselo», que causó escándalo naquel.la dómina en dalgunos sectores sociales. Promovida fai casi 20 años, pola entós ministra de Sanidá, Matilde Fernández, nun tuvo ente la mocedá los efeutos deseaos. Siguieron ensin «ponélu», ensin «poné-ylu», ya paez ser que tuvo hasta l'efeutu contrariu. L'erotismu de la l.lienda favorecía inda más el momentu de las rel.laciones sexuales ya, aprovechando'l calentón nun se podía esperar a disponer d'un condón. Daquel.la encomenzábase una era de cambios sociales que nun sabíamos bien a ónde nos diban o nos van l.levar. D'outra miente, hai 20 años, la mayoría de los pás, nun tábamos preparaos pa pone-yos el condón nel bolsu a los fíos o fías, porque procedíemos d'una sociedá hipócrita ya represiva onde la sexualidá formaba parte de los tabús familiares. Pero'l balance de venti años pa esta parte ya desatrosu. Los embaranzos non deseaos n'adolescentes aumentaron en cifras que chegan a ser alarmantes, ya las soluciones que se toman muito más alarmantes. Un altu porcentaxe de la mocedá estrénase sexualmente anantes de los 16 años. Nenas que cuasique comparten los xuegos de la infancia colos xuegos sexuales que-yos traen consecuencias qu'enxamás s'imaxinaron. Enróllanse güei ya mañana la pareya temporal pasa a las páxinas de la biografía amorosa, porque'l 44% de los adolescentes asegura tener rel.laciones con distintas pareyas ya sin nengún tipu de precauciones. A los poucos días danse cuenta de que'l «rollu» traxo consecuencias non tán prestosas ya n'ocasiones preséntase una situación d'embaranzu pero, sobre too, embaranzosa, onde dende esi momentu tán implicaos los pás, anque, en munchos de los casos, non el pá de la criatura porque nun saben quién ya. ¿Qué facer? La esplicación tenémosla nas estadísticas. L'añu pasáu, 4.000 nacimientos de neños con madres menores d'edá ya 6.273 nenas que determinaron albortar en clínicas privadas, más las que lu fixenon nas públicas. La tasa d'albuertos duplicóse na última década (un 10% más nel últimu añu). Una de cada tres muyeres qu'albuerta repite ya dalguna albuerta hasta seis veces. ¡Espantible! La nueva campaña surxe colas l.liendas ya citadas, muncho más averadas a la xerga xuvenil ya a ritmu de hip hop. Esti ritmu «mui rítmicu» lo mesmo fai otra vez escaecese del condón. Los resultaos veránse a la vuelta d'unos meses. De tolas maneras, anque la publicidá caltrie fondamente ente la mocedá, paezme que chegaos a la situación que chegamos nun basta con campañas publicitarias. Siempre hubo embaranzos non deseaos, albuertos en circunstancias penosas, enfermedades venéreas? Pero güei hai que poner los medios pa que la mocedá algame una formación sólida ya conoza'l sou cuerpu. Que sepan de las consecuencias que van tener las decisiones que toman. La sexualidá forma parte de la vida ya, la educación, pa que seya integral, tien qu'abordar tolos aspeutos del ser humanu ya dende distintos ámbitos. Una formación que-ys deprienda a vivir una sexualidá responsable, tanto no que cinca a la tresmisión d'enfermedades por vía sexual, como pa nun tener que vese ante una situación tán agresiva física ya psíquicamente pa la muyer como ya l'albuertu. Ensin meteme en la ética, moral o relixón de caún, nin xulgar a naide, l'albuertu nun se pue considerar una solución. Al rodiu hai tamién un gran negociu. Pero lo más importante ya qu'enxamás una muerte ta xustificada ya, a los fetos, dende las cuatro selmanas siéntese-ys llatir el corazón?Hai munchos medios al alcance pa nun tener que chegar a esta situación.

Cobardes

2008-11-24T06:54:00.000-08:00

Belén rinde homenaje a D. Leoncio García López

2008-11-24T06:52:00.000-08:00

2008-11-19T14:39:00.000-08:00

Presentación del poemario Pisadas en el Salón de Actos de la Casa de Cultura de Luarca.
Néstor Fernández (Concejal de Cultura), Juan Fernández Pereiro (Alcalde de Valdés, Esther García y marta Mori

2008-11-19T14:25:00.000-08:00

“LA MAESTRA” PREMIO “XOSÉ ÁLVAREZ” DEL CENTRU ASTURIANU DE MADRID
La escritora valdesana afincada en Castrillón, Mª Esther García López se desplazó el pasado 30 de noviembre a Madrid para recibir el premio “Xosé Álvarez” de relato corto que desde hace unos años convoca el Centro Asturiano de la capital de España. En el acto, celebrado en el salón de actos “Príncipe de Asturias” del Centro Asturiano, se hizo entrega del Premio a la autora y se presentó el libro en el que se publica el relato ganador, La Maestra, junto con el relato que fue accésit, Xosé León Delestal, La Semiente, de José María Rodríguez de Bimeda, escritor también del occidente de Asturias, nacido en Cangas de Narcea y residente en Madrid. En el mismo acto se falló el premio correspondiente al año 2008, que este año fue para el escritor asturiano Luis Portal Hevia.
El relato La maestra, cuyo marco es la posguerra, transcurre en un pueblo asturiano. No es autobiográfico según nos manifiesta la autora, maestra de profesión y nos subraya que también maestra de vocación. La historia que se cuenta en La Maestra refleja las calamidades que pasaban los maestros, en aquellos tiempos en los que las condiciones de las escuelas españolas no eran las más adecuadas. En el texto afloran otros temas que reflejan la forma de vida de la época, las malas comunicaciones para llegar a los pueblos, la hipocresía, los tabúes sexuales, y, de pasada, la emigración, temas todos que conforman el relato premiado.
Esther García recibe en 2007 otros dos premios, el premiu Uviéude Poesía” 2006 por el poemariu Pisadas y el Fernández Lema 2007 por el relato Performance.

Faraguyas

2008-03-30T15:04:00.000-07:00

Esther García funde la poesía asturiana y el estilo japonés de los haikus en «Faraguyas»
La obra, con ilustraciones de Miguel Solís Santos, está escrita en asturiano
Piedras Blancas, I. M. María Esther García ha logrado fundir la poesía asturiana y japonesa. Ayer, la escritora, miembro de la Academia de la Llingua y colaboradora de LA NUEVA ESPAÑA, presentó en Piedras Blancas su poemario de haikus escrito en asturiano «Faraguyas». La obra incluye 80 poemas que van acompañados de ilustraciones de Miguel Santos Solís, que, como la autora, es docente en el instituto de Piedras Blancas. El libro, editado por Madú, fue presentado recientemente en Valdés, concejo en el que nació María Esther García y que está muy presente en su obra. El acto de ayer por la tarde celebrado en el Instituto Isla de la Deva de Piedras Blancas, contó con la presencia, entre otros, del filólogo Emilio Menéndez Menéndez, párroco de La Montaña (Valdés); Juan José Navarro, director del centro; Cristian Velasco, de Madú, y concejales de la Corporación castrillonense.

La Nueva España - Diario Independiente de Asturias

2007-08-03T02:14:00.000-07:00

La Nueva España - Diario Independiente de Asturias

LA VOZ DEL OCCIDENTE

2007-08-03T02:12:00.000-07:00

LA VOZ DEL OCCIDENTE

ASTURNEWS - Diariu cultural asturianu

2007-08-03T02:08:00.000-07:00

ASTURNEWS - Diariu cultural asturianu

2007-05-23T15:40:00.000-07:00

Llibros
Esther García López gana’l Premiu Uviéu de Poesía
Mª Esther García López.16-05-2007
El xuráu del primer Premiu Uviéu de Poesía escoyó’l poemariu de la escritora Mª Esther García López, «Pisadas», escritu n’asturianu occidental, como’l meyor de los 14 presentaos al concursu convocáu pol Ayuntamientu d’Uviéu. Na categoría de relatu curtiu, a la que se presentaron ocho textos, el ganador foi Albel Martínez González por «L’aventura de Minho».Pela so parte, el Premiu Uviéu de Textos Teatrales, que foi’l que contó con más competencia (presentáronse 28 obres), algamólu Lluís Portal Hevia con «O36». Amás, según informó’l conceyal de Cultura y presidente del xuráu, Alfonso Román, la obra de Lluis Portal va ser representada pola compañía ganadora de l’Amuesa de Teatru Amateur organizada pol Conceyu d’Uviéu.Los premios Uviéu de lliteratura n’asturianu tan dotaos con 3.000 euros por categoría y la publicación de les obres.
Enviar a un Amigo
Versión para imprimir

Bonos propósitos

2007-05-23T15:25:00.000-07:00

OPINIÓN
Bonos propósitos
Servicios

Tolos meses del añu tienen dalguna fecha importante. Abril ye un mes especial, enllenu de primavera y de lluz, los díes son llargos y espléndidos y nesa galanura primaveral celébrase'l Día Internacional del Llibru. El 23 d'abril de 1616 dexáronnos importantes figures de la lliteratura universal: Cervantes, Shakespeare y l'Inca Garcilaso de la Vega. Como si dempués de llenar de lluz esti mundu coles sos maravíes lliteraries, escoyeren la plenitú primaveral pa llenar de palabres poétiques «el más allá». Bien ye verdá qu'esta fecha dalgo tien d'especial. Estos escritores nun morrieron nin morrerán enxamás porque foise'l so cuerpu, pero quedó l'alma nos sos escritos, que siguen embabiecando al públicu llector. Pero, agora que yá pasó esi día, dempués de tolos eventos, toles llectures y discursos; dempués de que s'adxudicara'l prestixosu premiu «Cervantes», que recibió l'escritor Antonio Gamoneda, quédanos un añu por delantre pa nun escaecer toles recomendaciones, p'algamar vezos llectores que s'intenten afitar entamando actos y procurando animar a lleer a la población de toles edaes. Atopámonos ante un mercáu lliterariu de tal magnitú que fai difícil escoyer ente tantos títulos. Quiciabes esta selmana dedicada al llibru munches families merquen nueves obres pa les sos biblioteques, aprovechando que les llibreríes fan un pequeñu descuentu. Pero ¿quedaránse estos llibros nes estanteríes, enllenándose de polvu y esperando que daquién abra les sos páxines? Ye difícil saber cuánta lliteratura se consume. El ritmu de vida que llevamos quita tiempu d'ociu y, amás, la ufierta d'actividaes ye tan variada que-y resta protagonismu a la llectura. Per otra parte, lleer nun ye sólo un placer, porque tamién implica un esfuerzu de concentración, comprensión ya interpretación, y güei, que fuximos de tolo que nos suponga esfuerzu, si nun escoyemos un títulu acertáu, cuerre'l peligru de que'l llibru qu'abrimos con más o menos gana puede quedase pa siempre arrinconáu nun estantería. De toles maneres les cifres son optimistes, l'índiz de llectura n'Asturies sitúase nel 52% y disponemos d'una perbona y bien organizada rede de biblioteques, bien equipaes y debidamente informatizaes. Sin embargu, si pensamos nel públicu infantil, el tópicu que repetimos siempre, profesores y pas, ye que los neños nun lleen, y que tán absorbíos pol mundiu de la imaxe, de los videoxuegos y la televisión. Esto, anque nun ye del too cierto, ye preocupante, porque enxamás se tuvieron tantes facilidaes pa tener un llibru ente les manes como nestos últimos años. Hai munchos neños que son llectores, bonos llectores, que saben disfrutar de la llectura. Pero a una bona parte d'escolinos hai que llevalos de la mano pa intentar enganchalos a la llectura, inda teniendo tan variada oferta lliteraria al so alredor, nun-ys fai gracia nengún títulu. Asina, nuna mesma clase, nuna mesma xeneración d'alumnos hai neños que devoren llibros y otros a los que se-yos caen de les manes. L'accesu a la cultura güei ye muncho más fácil que hai unes décades; el que nun llee ye porque nun quier. Tolos centros educativos tienen biblioteques bien equipaes y casi tolos neños tienen llibros nes sos cases, y, per otra parte, la meyora del nivel cultural sitúa a la población en meyor disposición pa lleer y dixerir la llectura. Poro, pasáu esti renombráu Día del Llibru, quédanos garrar como aniciu d'un añu llector esti espléndidu 23 d'abril y cuando l'añu que vien se repita esta fecha poder cuntar con munchos más títulos lleíos. La llectura ye dalgo pa toles edaes y ente la bona oferta lliteraria siempre atoparemos un llibru a la carta según el nuesu gustu lliterariu. Lo difícil ye tresmitir el gustu pola llectura a quien s'empeña en nun esforciase en saboriar les páxines d'un bon llibru, nin en pisar siquiera una biblioteca.
Inicio

LaLingua Asturiana na Enseñanza

2007-05-23T15:23:00.000-07:00

NUEVA QUINTANA
La llingua asturiana na enseñanza
La demanda d'escolarización n'asturianu naz con a comienzos de los setenta, cuando les pintades de «bable nes escueles». Dende 1983 un grupu de profesores comprometíos cola recuperación de la Llingua trabaya pola normalización real en colexos ya institutos.

luisma murias
Servicios

Anterior

Multimedia
Imágenes
María Esther GARCÍA LÓPEZLos comienzos de la escolarización de la llingua asturiana nun fueron fáciles. Foi un procesu qu'encomenzó dende'l movimientu sociollinguísticu asturianu y, nesti sen hai que referise, pola so importancia social, a la segunda encuesta rexonal, del añu 1983, cuando casi dos tercios de los encuestaos se pronunciáron a favor de la presencia del bable nel ámbitu educativu. Un bon grupu d'enseñantes comprometíos cola recuperación de la llingua asturiana, tiene como oxetivu prioritariu y fundamental llevala a les escueles. Nel cursu 1973-74, cuando se funda Conceyu Bable, naz la semiente d'un fervederu d'inquietues no que cinca a la recuperación de la llingua. Naquel momentu encomiencen a apaecer pintaes reivindicando'l «bable nes escueles», frase que se fixo realidá diez años más tarde, cuando nel cursu 1983-84 entamó de forma experimental la presencia del asturianu nel Colexu Públicu Santa Marina de Mieres. Dempués de ventitrés años d'encomenzar esti procesu, somos conscientes de que'l colectivu de la enseñanza foi ún de los que más contribuyó a la normalización de la llingua asturiana, non sin sufrir abondes torgues nel so desendolque.La realidáAnte les fuertes presiones de los enseñantes y de l'Academia de la Llingua, creada nel añu 1980 pol Conseyu Rexonal, amás de sindicatos y otres instituciones, nel añu 1984 la Conseyería de Cultura y Educación y el Ministeriu d'Educación y Ciencia, sofitándose nel artículu 4.º del Estatutu d'Autonomía d'Asturies, establecen un conveniu nel que se regula que l'asignatura de llingua asturiana pueda impartise nes escueles de forma voluntaria. Nesti conveniu alcuérdase entamar cola enseñanza de la llingua en seis centros pilotu de l'antigua EXB, repartíos per toa Asturies y que fueron los siguientes: Prau Llerón, en Mieres; Fernández Carbayeda, en Valliniello (Avilés); Obanca, en Cangas de Narcea; Reconquista, en Cangas d'Onís; El Parque, en Blimea, y Evaristo Valle, de Xixón. De 2.455 alumnos a los que se-yos propuso, 1.351 asisitieron a clas d'asturianu. A estos centros axúntense otros cuatro nel añu 1985: El Vallín, de Piedras Blancas; Apolinar García Hevia, n'Avilés; El Coto, d'El Entregu, y Rey Aurelio, de Sotrondio. Nos siguientes años encomienza a xeneralizase la enseñanza del asturianu n'otros centros. El porcentax d'alumnos que tomó parte nestes clas d'asturianu incrementóse entre'l 1985 y 1990 del 68% hasta 83 por cientu. Poco a poco, foi algamándose la escolarización de la llingua y l'espardimientu de la esperiencia a una gran bayura d'escolinos y centros, con aumentu del profesoráu, creación de nuevos materiales curriculares y programación d'actividaes relacionaes cola cultura asturiana, (fiestes del amagüestu, l'Antroxu, Selmana de les LletresÉ)Nel cursu escolar 1991-92, la política poco favoratible del Gobiernu asturianu traxo como consecuencia un gran recorte nel presupuestu del Serviciu de Política Llingüística, torgando asina'l procesu d'escolarización. Per otru llau, nel cursu 96-97 hai un descensu notable d'escolinos, pola mor de la entrada en funcionamientu de la LOGSE, qu'obligó a los neños de séptimu y octavu a pasar a los centros de Secundaria, onde nun se-yos ufiertaba esta materia.Inda asina, con tos estes torgues, la llingua va abriéndose camín nos centros educativos de Primaria y quince años dempués, nel añu 2006, de los 28.153 alumnos escolarizaos nos centros d'Educación Primaria n'Asturies, 14.999 asisten a clase d'asturianu, en total un 53,2 por cuientu de la población escolar de Primaria, repartíos en 213 centros y atendíos por 141 profesores de llingua asturiana.N'Educación Infantil hai n'actualidá unos 1.000 alumnos escolarizaos. Pero nun se dispón de momentu d'un estudiu sobre la escolarización nesta etapa d'aniciu.Educación SecundariaL'asignatura de llingua implántase per primera vegada nes enseñances medies nel cursu 1987-88, como materia optativa, a razón de dos o tres hores selmanales. Nesti nivel educativu, hubo munches dificultaes pa que la llingua asturiana entrare nes aules, agravaes por un desdexamientu manifiestu de los organismos educativos. Nel cursu 1988-89 baxó'l númberu de centros de Secundaria con presencia de l'asignatura d'asturianu y nel cursu 1999-2000 yeren 13 centros n'Asturies los qu'ufiertaben esta materia, qu'estudiaben 753 estudiantes. Gúei, amparándose na llei d'Usu y Promoción del Bable Asturianu aprobada nel añu 1998, tolos centros educativos asturianos tienen la obligación d'ufiertar l'asturianu en tolos niveles educativos, y tolos alumnos que lo pidan tienen el drechu a recibir clas d'esta materia, pero inda hai munches torgues que, sobre too, nos institutos, fan que'l desendolque d'esta asignatura nun respuenda nin siquiera pa la poca esixencia que supón cumplir esta llei, y tán produciéndose abondes anomalíes na escolarización del asturianu en Secundaria, que torguen l'espardimientu de la enseñanza d'esta asignatura nestos niveles educativos. D'otra miente, les actuaciones nun son mui clares por parte de la organización de dalgunos centros que nun favorecen la continuidá del procesu d'escolarización en Secundaria. Y nesta situación que podíemos calificar de penosa, los alumnos que na Educación Secundaria Obligatoria escueyen la asignatura de llingua asturiana como materia optativa, van n'aumentu. Nel cursu 2000-2001 d'un total de 29.339 alumnos que cursaben la ESO nos centros educativos d'Asturies, namás yeren 519 los que pidieron la llingua como asignatura optativa, sin embargu, seis años más tarde, nel 2006, de los 22.868 alumnos qu'asistíen a los distintos cursos de la ESO nos centros asturianos, 3.702 pidieron estudiar asturianu, un 16 por cientu del total d'alumnáu, repartíos en 69 centros y atendíos por 55 profesores especialistes. Tamién hai que cuntar los alumnos de Bachillerato, 238 alumnos de los 11.685 que cursaben Bachillerato nos distintos institutos de la nuesa xeografía, nel cursu 2005- 2006. Son mui pocos, pero hai que tener en cuenta que nun s'ufiertó nestos niveles hasta'l cursu 2002-2003 y con toles torgues que se presenten, son el testimoniu de que p'atrás nun vamos.Pero los llectores entrugaránse por qué según la enseñanza vei subiendo de nivel, los porcentaxes d'escolarización baxen. Una pregunta bien cenciella de contestar. Nel momentu que la llingua propia entra en competencia con una llingua estranxera, o con otres asignatures que se-yos presenten dende'l centru como más atractives, ye fácil que pas y alumnos se convenzan d'argumentos probes y que faigan casu de mitos que cuerren pela calle, como'l mitu de la «utilidá». Sin embargu, estudiar la llingua propia nun ye cosa d'utilidá, ye dalgo muncho más fondo porque forma parte de nós mesmos. Independientemente de que s'estudien inglés y francés que me paez perbién, la llingua asturiana tendría que formar parte del currículu escolar de los alumnos asturianos. Por otra parte, influencies ayenes a la asignatura fan que los alumnos una vez que terminen la Primaria, escueyan otres optatives. Por eso, ye urxente que nos períodos de matriculación se faigan campañes informatives por parte de l'alministración educativa qu'informen a los alumnos y a los padres del drechu a cursar asturianu, pero esta información nun se pue mandar a los centros ensin seguí-y la pista, porque tamos tan bombardeaos de «papeles» que según onde se coloquen naide los ve. Fan falta reuniones informatives colos pas y colos alumnos, igual que se fan n'otres asignatures d'idiomes, pa qu'una vez conocíos los drechos y cómo se va desendolcar l'asignatura. puedan escoyer llibremente.El profesoráuL'Academia de la Llingua Asturiana, foi quien s'encargó de la formación d'este primer profesoráu d'asturianu. Asina, nel añu 1983, organiza los primeros cursos de branu pa enseñantes en la Puela d'Allande, a los qu'asisitió un grupu de maestros comprometíos na recuperación llingüística y decidíos a encomenzar cola escolarización. A lo llargo de 10 años, participaron nestos cursos 1.020 enseñantes.La Conseyería de Cultura, pela so parte, en 1988-89 convoca un cursu d'especialización pa dar clas de llingua asturiana, nel que se formaron dos grupos de 30 profesores, y nel añu 1985, nos centros de profesores encomiencen a organizase cursos d'aniciu pa enseñantes que servían de pasadoiru pa los cursos de branu de l'Academia. Nos CEP fórmense tamién grupos de trabayu y seminarios de maestros onde s'intercambien xeres y materiales pa llevar a les aules. La Conseyería d'Educación, a traviés de la Oficina de Política Llingüística, organiza cursos de perfeccionamientu pal profesoráu, y ponencies d'espertos sobre didáutica y cultura asturiana, procurando asina una formación continua de los maestros d'asturianu que tán n'activu. Ye nel añu 1994 cuando la Universidá d'Uviéu asume la formación del profesoráu mediante la ufierta de dos títulos propios: espertu en Filoloxía Asturiana y especialista en Filoloxía Asturiana. Pola so parte l'Academia de la Llingua, n'actualidá, sigue organizando cursos de branu, en collaboración cola Universidá d'Uviéu, dende'l departamentu d'Estensión Universitaria, y cursos d'afondamientu nel ámbitu llingüísticu, cultural ya didáuticu que tien como oxetivu afitar conocimientos más especializaos. Nel añu 1985, créase'l Serviciu de Política Llingüística, que tenía como misión facer un seguimientu y asesoramientu de los centros onde se daba asturianu. Pero esto qu'entamaba como un sofitu importante a la escolarización, por dixebraos enguedeyos políticos foi perdiendo puxu, y nos últimos años, nun hubo un seguimientu sistematizáu de la mesma, hasta l'añu 2005, nel que la Conseyería d'Educación, crea la figura de asesor téunicu docente pa la supervisión de la enseñanza del asturianu.L'asignatura de llingua asturiana tuvo dende los sos comienzos, una perbona aceutación, pero falten otros estímulos fuera del contestu escolar qu'ayuden a desendolcar una vivencia normal del idioma; fáltanos la presencia del asturianu nos medios de comunicación (televisión, radio y prensa) onde ye prácticamnete testimonial la so presencia y fai falta un emplegu del asturianu en otros ámbitos de la vida social n'Asturies, n'instituciones, y servicios, onde pola mor de nun ser oficial tampoco llegamos a un usu normal de la llingua asturiana.Inda asina, los porcentaxes d'escolarización fueron mui altos dende'l comienzu de la experiencia; l'asturianu tuvo perbona acoyida ente la población escolar y, magar toles torgues, el númberu d'escolinos foi aumentando añu tres añu. Los resultaos académicos fueron bonos. Dende'l principiu los neños, casi siempre, demostraron bona actitú pa cola clas de llingua y llogróse tamién un llabor d'identificación col idioma. Dende'l sector de la enseñanza seguimos reivindicando de contino la oficialidá de la llingua asturiana pa que la so presencia nes aules y en tolos niveles educativos seya una realidá normal y ensin torgues de nengún tipu.Pasa a la página siguiente
Inicio

2007-05-23T15:21:00.001-07:00

Chocolate

2007-05-23T15:15:00.000-07:00

OPINIÓN
Chocolate
Servicios

Cuando nomamos la palabra chocolate, espiértansenos los sentíos del gustu, del olfatu y un regustín recuérrenos el cuerpu. Nun ta mal poner una nota dulce nestos díes de campaña ellectoral, nos que toos tamos sollertes a ver si los políticos nos que confiamos nos ufiertan un bon programa pa los próximos cuatro años. Pa reflexonar ye bien prestoso tomar una chocolatada que nos anime l'espíritu. Porque, según los espertos, el cacáu, componente básicu del chocolate, tien bones propiedaes pal organismu. Llixeramente estimulante, proporciónanos un estáu de felicidá que, anque seya momentaneu, val la pena. Cuando comemos chocolate les endorfines cuerren pel cuerpu. Según les últimes investigaciones, el cacáu y los sos derivaos apórtannos antioxidantes al organismu, resulten beneficiosos pal corazón y les arteries y reducen la tensión arterial. De xuru que quien padez malures rellacionaes con estes partes del cuerpu tará encantáu de qu'un alimentu tan ricu pueda comelu ensin reparos. Nesti mundu nel que too son prohibiciones, menos mal que nos ufierten dalgo de lo que se puede disfrutar. Y esta vez tóca-y al chocolate, emponderáu polos investigadores con tolos meyores atributos nutritivos: mui ricu en minerales como'l calciu, el potasiu (que reduz la tensión arterial), magnesiu (responsable nel aprovechamientu de la enerxía), fósforu (rellacionáu cola salú de los güesos y l'actividá cerebral) y, amás, ricu en vitamines B1 y B6 y ácidu fólicu. Otros de los sos componentes esenciales activen los receptores cerebrales implicaos na llucidez mental, la felicidá y el placer. O sea, que saboriamos unos cuantos bombones y aportamos al organismu una bona dosis de nutrientes importantes, amás d'elevar l'espíritu y llevanos a la felicidá, tan buscada. Lo malo d'esto ye'l preciu, y de xuru que cuando se «corra la onda» de les bondaes d'esti manxar los precios pondránse poles nubes. D'estes coses siempre hai quien s'aprovecha. Queda soterrada tola mala prensa del dulce del amor, yá nun engorda tanto como nos asustaben, nun provoca migrañes nin granos nin na, y el que sufra estos efeutos serán por otres causes. Hai que tener en cuenta que dende hai cuatro sieglos el chocolate foi motivu de debate dende lo teolóxico a lo nutricional y terapéutico. El primeru n'abrir esti debate foi Antonio León Pinelo, cuando nel añu 1636 publicó una obra baxo'l títulu «Questión moral si el chocolate quebranta el ayuno eclesiástico». La preocupación moral manifestábase naquel entós pol gran espardimientu per Europa d'esti productu que nel so orixe tomábase frío, amargo y con picantes en parte de lo que güei ye México y Guatemala, y que los españoles endulzamos al gustu convirtiéndolu nun productu de gran aceptación. La esmolición llegó a tal puntu que'l mesmu Papa Paulo V viose forzáu a emitir el so autorizáu xuiciu: «El chocolate, amás de ricu, saludable y nutritivu, taba en paz con Dios». Nel sieglu XX foi cuando cayó sobre él toa una riestra de malos efeutos. Pero les recientes investigaciones apunten con fuercia a les sos escelencies pa que podamos saborialo con tranquilidá y placer. Y esto préstanos creelo. Comer chocolate ye bono pal cuerpu y pal alma, y non sólo por vía dixestiva: los baños y masaxes de chocolate tamién tán de moda; la chocolaterapia forma parte de los novedosos tratamientos de «belleza» y tien la ventaxa de qu'esta forma de consumilo allisa la piel, relaxa la mente y el so aroma espierta la pituitaria. Dempués de saber de tolos sos beneficios nun vamos a resistinos a probalo de toles formes posibles: pasteles, bombones, a la taza... pero tamién probaremos a enllordianos d'esta pasta milagrera pa disfrutar d'una relaxación total. Nun cabe dulda de que güei sabemos muncho más sobre los productos de consumu que nos ufierta'l mercáu como nutrientes, anque dempués faigamos casu de lo que nos da la gana, de lo que más nos convién en cada momentu. Poro, de les escelencies del chocolate vamos aprovechanos toos. Quién se va resistir a esti productu llambión, dulce, suave y viciosu. Dalgunos investigadores inda van más allá y dicen que les sensaciones de placer que nos aporta seméyense a les sensaciones del amor y a les sensaciones sexuales... Si de verdá fuera asina, quién sabe si los fabricantes nun daríen abastu con tantos pidíos. De lo que nun cabe dulda ye de qu'esti productu rei al que se-y atribuyen tantos bonos efeutos corporales y anímicos va desatar y facer medrar tolos negocios al rodiu del cacáu. En pocu tiempu, les chocolateríes, bomboneríes y les cabines de chocolaterapia llegarán a saturase, porque ye que somos asina, fáciles de convencer, y si se trata de dalgo tan dulce y llambión nun duldaremos un res; toos tábemos deseando que los investigadores dieren esti pasu: el chocolate ye bono pa la salú del cuerpu y del alma y podemos disfrutar comiéndolo. ¡Y nós creemos en tolo que nos presta!

2007-03-24T19:08:00.001-07:00

Zombis
M.ª ESTHER GARCÍA LÓPEZ
Servicios

Un zombi ye, n'orixe, una figura llexendaria propia de los llugares onde se practica'l cultu vudú. Ye un muertu resucitáu por medios máxicos a traviés de rituales fechos por un bruxu y pa los qu'utilicen yerbes y bebedizos y fan práctiques de maxa negra, pa convertilu n'esclavu, poder facéi mandaos de too tipu y consiguir asina los sos propósitos, casi siempre malvaos. En lliteratura, fálase de muertos vivientes que se puen manipoliar por daquién con fines non tán bonos, y, vulgarmente, llámase-y zombi a quien fai les coses ensin pensales, como un autómata, a quien anda en tontu pola vida. Pero los zombis que m'ocupen güei son otros. Los zombis llexendarios puen danos ciertu respetu. Nun cabe dulda qu'a naide-y presta pensar qu'hai xente que con ritos diabólicos faiga del ser humanu un pelele obediente. Esto ye dalgo espantible. Pero güei hai otros zombis más espantibles entovía que llegaron colos avances teunolóxicos a los nuesos llares en tolos llugares del mundu. Un zombi yá nun ye esi ser resucitáu que vemos nes películes, que nos da pánicu; un zombi agora ye dalgo muncho más cercanu y que pue convivir con culaquiera de nós na nuesa casa, casi siempre ensin sabelo, y, cuando nos damos cuenta igual yá ye tarde pa solucionar el desastre que nos puede producir, faciendo usu de los datos y archivos que guardamos nel ordenador o destruyéndolos. Güei a quien tenemos que tener mieu ye a los ordenadores-zombi que toos podemos tener actuando na nuesa casa mandaos por daquién espertu en «pócimes informátiques». La palabra «zombi», en sentíu figuráu, sirve tamién pa nomar a los ordenadores que tán poseíos polos «bruxos» de la teunoloxía. Naide de nós fai unos años camentamos en tener un zombi tan cerca, mesmamente enriba la mesa del nuesu escritoriu. Un zombi peligrosu qu'obedez órdenes d'espertos dende sitios bien llonxanos y qu'a traviés del espaciu virtual pue convertise nel chivatu más eficaz actuando sobre los documentos archivaos qu'aporten datos relevantes sobre la nuesa vida. La máquina conviértese nun zombi que surxe dempués de ser infectáu por dalgún tipu de malware: virus, troyanos, guxanos, spam, etcetra, con fines perversos y qu'amás de causar nel ordenador malures, munches veces incurables, tienen otros oxetivos como atropar información sobre l'usuariu o estrozalu dafechu eliminando los archivos necesarios pal arranque o, lo que ye peor, usalu como ponte pa entrar n'otros ordenadores, llegando a poseer los espertos informáticos toda una rede de datos pa usalos nel momentu oportunu. Los zombis multiplíquense a traviés de medios teunolóxicamente perfectos. Ensin entrar nos desastres qu'estos virus causen nel ordenador, que son munchos y mui variaos, lo que más nos asusta ye que los pirates informáticos, usando la nuesa máquina como un auténticu zombi, puen caleyar pola nuesa casa y enterase de los nueses intimidaes, amás de manexar la información que guardamos, información relevante que puede convertise nun peligru pa nós. Los profanos na materia nun llegamos a saber, realmente, hasta ónde puen llegar con too esto, pero podemos sufrir les sos graves consecuencies. Nun cabe dulda que los zombis esisten, tenemos un zombi en potencia en cada llar. A ello collaboren los «bruxos informáticos» con sofisticaes técniques muncho más eficaces y de más alcance, de xuru, que les qu'empleguen nes cultures tradicionales anque tampoco seyan del nuesu agradu.
Inicio

2007-03-02T15:31:00.000-08:00

2007-03-02T15:12:00.000-08:00

La llei seca
Mª Esther García López
L’alarma social que provoca na nuesa dómina’l consumu abusivu d’alcohol por una bona parte de la mocedá, dende edaes mui tempranes, llevó a la Ministra de Sanidá y Consumu, Elena Salgado, a proyectar una llei pa la protección de la salú y la prevención del consumu de bebíes alcohóliques polos menores. Esta proposición de llei, amás de les prohibiciones de venta d’alcohol a menores y del so consumu en llugares públicos, llevaría a regular la publicidá de bebíes alcohóliques nos medios de comunicación, dalgo que determinaos sectores sociales, ente ellos l’educativu, llevamos tiempu reclamando.
Pero la propuesta espertó les protestes de los empresarios del vinu y de la sidra, que ven mermaes les posibilidaes d’espansión del so negociu. Paez ser qu’esta llei va prohibir beber alcohol al aire llibre y, visto asina, podríen peligrar fiestes de prau, xires y romeríes, espiches y demás eventos y celebraciones onde rueden la sidra y el vinu, una amenaza pa les tradiciones festives asturianes.
Nun dexa de ser esta una midida drástica y yá se empieza a cavilar sobre’l so desarrollu. Salta a la vista que va ser una llei polémica. Quiciabes tenga que ser mui clara a la hora d’especificar llugares y consumidores. Y nun cabe dulda que se presenten otros problemes añadíos, porque’l consumu d’alcohol ta afitáu socialmente y anque siempre hubo problemes graves al so alredor, güei entovía s’agravaron más y ye difícil qu’una llei solucione un problema social de tal magnitú.
La palabra prohibir nun nos presta a naide, pero la sociedá ta enllena de prohibiciones, y cada vez más. Otres palabres como educación, prevención, información, diálogu… tán na mente de toos, pero ¿pónense los medios pa qu’esto funcione? La práctica diaria recuérdanos continuamente que, tristemente, munches veces hai que recurrir a la llei pa resolver los graves conflictos sociales que se nos presenten, quiciabes seya ésta la salida más fácil.
Nun cabe dulda qu’hai qu’atayar de dalguna manera’l consumu abusivu d’alcohol por parte de los mui xóvenes, principalmente, asociáu a la falta de control familiar, a la falta d’educación pa la salú y que trai emparexaes consecuencies mui graves a curtiu plazu. Munches families tán sufriendo los graves efectos que l’alcohol causa nos sos miembros adolescentes, repercutiendo nel so comportamientu. Un problema que lleva medrando dende hai unos cuantos años, cola llegada de la “movida”, y cada vez afecta a neños y adolescentes que s’anicien nel consumu dende los doce- trece años. Los resultaos de les encuestes son claros nesti sen y nun voi repitir equí cifres y porcentaxes que ya conocemos; namás fai falta dase una vuelta polos llugares de diversión y de xuru que nos convencemos de que los datos que nos dan las estadístiques aproxímense muncho a la realidá. El consumu escesivu d’alcohol, anque seya en fines de selmana y fiestes, trai consigo otros problemes añadíos: adicción, violencia, accidentes de tráficu, delincuencia y consumu d’otres drogues que güei tán presentes nos llugares de “movida”. Per otru llau, rómpese la comunicación familiar, faciéndose difícil el diálogu ente pas y fíos. Y otros efectos a más llargu plazu que yá nos anuncian los profesionales de la salú, como enfermedaes mentales prematures. El problema ye seriu.
Ta claro qu’esti comportamientu d’una bona parte de la mocedá, escapósenos de les manes y esto llevó a la ministra a intentar poner midíes drástiques que protexan la salú de la xuventú española, proyectando una llei seca, que nun ye bien acoyida y que se dulda de la so eficacia si nun se sofita con otres midíes sociales de prevención. Hai munches coses por solucionar que pueden influir n’esti desmadre xuvenil: el paru, los empleos en precariu, los sueldos polos suelos, contratos basura, problemes p’adquirir una vivienda, son dalgunes de les calamidaes sociales que tán sufriendo los xóvenes. Pa solucionar estos problemes tamién habría que llexislar con urxencia.
Y nesta situación social plantéase que la llei nun afecte a les nueses romeríes, espiches nin otros actos festivos, pero, verdaderamente, nun tará mal un poco de control, pa que les fiestes dexen de ser namás qu’un pretestu pa la mocedá pa facer “botellón” ensin enterase de nengún otru actu, porque nun-yos interesa. En munches romeríes y fiestes, hai una total dixebra na forma de viviles; mientres los pas y los güelos, s’esfuercen por mantener les tradiciones festives, la mocedá vive la nueche al son del “botellón” y durme de día ensin interesase por nada más y rompiendo too vínculu comunicativu y familiar. Toos sabemos que nun vamos a pidir a los xóvenes divertise como vieyos, porque esto iría contra la “llei natural”, pero, nos últimos años, percibese tamién nes celebraciones festives el nomáu abismu xeneracional.
Dalgunos espertos nel tema, consideren el vinu, y la sidra como alimentos. Toos sabemos que’l vinu emborracha, la sidra tamién, la cerveza y el calimochu lo mesmo. Too depende de la cantidá que se beba. Lo importante dende llueu ye educar, informar, prevenir, dialogar…educar a los más xóvenes pa un consumu responsable y amparalos socialmente pa que nun pierdan la ilusión y nun s’abelluguen n’notres práctiques de riesgu pa la salú.
Esperemos que la Ministra estudie toles posibilidaes y la redacción de la futura llei nun seya tan drástica como paez; que la so puesta en práutica ayude a meyorar la salú de la población y que nun seya peor el remediu que la enfermedá; que la Sra. Ministra vaya pensando n’otres midíes sociales que favorezan la integración social de la nuesa mocedá. Tampoco hemos escaecenos los adultos de que nós somos l’espeyu nel que se miren los xóvenes.